बईठा मेड पे किसनवा

बईठा मेड पे किसनवा बतावे बतिया,

देखि के खेतवा का हाल आपन पीटे छतिया;

दिन दिन इतना, मेहनत कईले,

भुखिया पियसिया सब तजि देहले;

टूटल आज विधाता से, लागल असिया

बईठा मेड पे....................

सुतवा पे कईसो अनाज लेइ अउले,

खेतवा भराई जोताई कई पउले;

भूखा सारा परिवार सोई सारी रतिया,

बईठा मेड पे..........................

सारा परिवार का एक ही सहारा,

सब कुछ लुटायल न होई है गुजारा;

कईसन भूल भा जा हम पर लगाये घतिया

बईठा मेड पे..................................

पिछवा से उनकर बहुरि आई गईली

साईंया का दुःख देख आँख भर अइली

बोली भाग्य पे न बाटे कौनो बस सथिया

बईठा मेड पे.................................